Pace na Iniangkop sa Grade (GAP)

Ang mga subscriber ng Strava ay madaling makakapagkumpara ng mga pagsisikap sa paakyat, pababa, at patag na terrain gamit ang Pagsusuri sa Pace na Iniangkop sa Grade (GAP).

Ano Ang GAP?

Isinasaalang-alang ng Pace na Iniangkop sa Grade ang tarik ng terrain habang tumatakbo ka at tinatantya nito ang katumbas na pace sa patag na lupa. Dahil mas mahirap tumakbo paakyat, magiging mas mabilis ang iyong Pace na Iniangkop sa Grade kaysa sa aktwal mong pace. Sa katulad na paraan, kapag tumatakbo pababa, magiging mas mabagal ang iyong Pace na Iniangkop sa Grade kaysa sa aktwal mong pace.

Ang pagkakaiba sa pagitan ng GAP at ng aktwal na pace ay karaniwang lumalaki habang tumitindi ang grade. Ayon sa data ng atleta, ang adjustment sa pababang bahagi ay umaabot sa rurok na humigit-kumulang -10%, at pagkatapos nito ay hindi na ito gaanong matindi. Tandaang hindi isinasaalang-alang ng GAP ang teknikal na kahirapan o kundisyon ng terrain. Alamin pa ang tungkol sa pagtukoy ng modelo ng GAP mula sa data sa totoong mundo, rito.

Saan Ito Mahahanap

Available ang GAP sa website at mobile app ng Strava. Makikita mo ang GAP sa mga sumusunod na lugar:

• Para sa lahat ng pagtakbo, naka-graph ang GAP para sa buong aktibidad sa screen ng pagsusuri at ipinapakita ito bilang kabuuang average.
• Para sa matatarik na pagtakbo, ang iyong average na GAP ay itatampok sa screen ng detalye ng aktibidad sa mobile at para sa bawat split.
• Sa mobile, para sa matatarik na segment, ang iyong average na GAP para lang sa segment na iyon ang ipapakita.